قصيده ابكت الحجر

ودي و أموت اليوم و أعيش باكر
واشوف منهو بعد موتي فقدني
ومنهو حملني لين ذيك المقابر
و اشكر انا كل منهو كرمني ودفني
وبشوف انا يرثيني ان كم شاعر
ومنهو تركني وماكتب شيء عني
شخص تعنا لي مع انه مسافر
وشخص قريب وانا ميت طعني
وشخص يمثل دمعته ماهو قادر
وشخص تطيح دموعه كل ما ذكرني
ومنهو من اهلي بالعزا كان حاضر
ومنهو دعالي في صلاته ورحمني
ومنهو بنا باسمي سبيل ومنابر
ومنهو يفز قلبه اللا من لمحني
ومنهو عشاني طول الايام ساهر
ومنهو ثلاث ايام وراح وتركني
ومنهو يرتب غرفتي والدفاتر
وان شاف صوره لي مات وحضني
يالله عساء ما تخفى كل المشاعر
ويالله عساء ما ينصدم يوم ظني
خايف يروح العمر واكون خاسر
وان طار طيري ما يفيد التمني
وخايف يجيني وقت اكسر خواطر
ان دارت الدنيا وزماني كسرني
وما دام هذي الدنيا صارت مظاهر
وكل من على كيفه وجوه يغني
صحيح مسلم لاكن الهم كافر
كل ما بغيت اضحك يهددني حزني
الضيق وافي والحزن حيل وافر
والجرح اكثر شيء شفته يحبني
عايش وميت بين ماضي وحاضر
والصبر مفتاح الفرج ضاع مني
قل وش تبي وتتركني يا حزني امر
مسكين يا فرحي تصدق وحشني
شاعر ولاكني ماني بشاعر
ودي اموت اليوم وارتاح مني



***لكم تحياتي***

يا شااعرنا كفو والله
تسلم على المواضيع الأكثر من روعه

تسلم فصوول على ردودك والله مبدع يمدير